حکومەتی هەرێمی كوردستان
SAT, 19 APR 2014 13:40 Erbil, GMT +3

وەزیری پەروەردە: قوتابی و خوێندكارانی ئازیز هەردەم جێگەی بایەخی ئێمەن و بەهاوكاری هەموولایەك پرۆسەی خوێندن سەردەخەین

THU, 16 FEB 2012 09:45 | KRG.org

بەمەبەستی وەرگرتنی راو سەرنجی مامۆستاو قوتابیانی قۆناغی ئامادەیی لەسەر سیستمی نوێی خوێندن بۆ قۆناغی ئامادەیی، سەفین دزەیی وەزیری پەروەردە، هەریەكە لە ئامادەییەكانی چوارچرای كچان و هەڵمەتی كوڕانی لە سنووری پەروەردەی هەولێر بەسەركردەوە.

سەفین دزەیی لەنزیكەوە چاوی بە دەستەی مامۆستایانی هەردوو قوتابخانەكە كەوت و چەند پۆلێكی خوێندنی بەسەركردەوە تیایدا مامۆستاو قوتابیان راو سەرنجی خۆیان دەربارەی سیستمی خوێندن دەربڕی، وەزیری پەروەردەش دووپاتیكردەوە قوتابی و خوێندكارانی ئازیز هەردەم جێگەی بایەخی ئێمەن و بەهاوكاری هەموولایەك پرۆسەی خوێندن سەردەخەین و كێشەو كەم و كوڕییەكان چارەسەردەكەین.
لەلایەكی ترەوە ئەمڕۆ شاندێكی لقی كەركووكی یەكێتی مامۆستایانی كوردستان سەردانی وەزارەتی پەروەردەیان كردو، دەستخۆشیان لە وەزیری پەروەردەی هەرێم كرد بۆ هەوڵ و كۆششە بەردەوامەكانی لەسەرخستنی پرۆسەی پەروەردەیی و پاڵپشتی كردنی خوێندنی كوردی لە كەركووك.

شاندی مامۆستایانی كەركووك ئاماژەیان بۆ ئەو گرفت و كێشانەش كرد كە دێنە پێش پرۆسەی خوێندنی كوردی لە كەركووك، سەفین دزەییش ئامادەیی وەزارەتی بۆ هاوكاری كردنیان دووپاتكرەوە بەگوێرەی توانا رەخساوەكان، دووپاتیشی كردەوە خوێندنی كوردی لە كەركووك هەردەم جێگەی بایەخی وەزارەتی پەروەردەییە.

هەمان رۆژ وەزیری پەروەردە پێشوازی لە شاندێكی قوتابخانەی ئیشقی گوڵانی نموونەیی لە هەولێر كرد كە پێكهاتبوو لە ئۆزجان ئەشدەر بەڕێوەبەرو رافید ئەنوەر یاریدەدەری بەڕێوەبەری قوتابخانەكەو ژمارەیەك لە قوتابی و خوێندكاران.

لەدیدارەكەدا قوتابی و خوێندكارانی قوتابخانەی ئیشقی گوڵانی نموونەیی بەهەر سێ زمانی كوردی و ئینگلیزی و توركی پرسیاریان دەربارەی پرۆسەی خوێندن ئاراستەی وەزیری پەروەردە كردو بەڕێزیشیان وێڕای دەستخۆشی كردن لەو قوتابییە بەهرەمەندانە، وەڵامی سەرجەم پرسیارەكانی دانەوە.


دوایین هەواڵەکان

نوێنەرایەتی حكومەتی هەرێم لە فەڕەنسا روونكردنەوەیەك بڵاودەكاتەوە

ئێمە وەك نوێنەرایەتی حكومەتی هەرێم پێشوازیمان لە خۆپیشاندەران كرد و بەڵێنمان پێدان كە پەیامەكەیان بگەیەنینە حكومەتی هەرێم.

سلێمانی، بینای بەرەنگاری توندوتیژی دژی ژنان كرایەوە

لە مەراسیمێكدا بینای بەرێوەبەرایەتی بەرنگاربوونەوەی توندوتیژی دژی ژنان لە سلێمانی كرایەوەو هاوكات یەكەمین كۆبوونەوەی ئەنجومەنی باڵای بەرەنگاربوونەوەی توندوتیژی دژی ژنان لە سلێمانی  بە سەرپەرەشتی پارێزگاری سلێمانی بەرێوەچوو.

 

نێچیرڤان بارزانى و ئه‌ردۆغان په‌یوه‌ندییه‌كانى هه‌ولێر و ئه‌نقه‌ره‌ تاوتوێ ده‌كه‌ن

نێچیرڤان بارزانى پێشوازى له‌ باڵیۆزى ئه‌مه‌ریكا له‌ عیراق كرد

نێچیرڤان بارزانى و ئه‌ردۆغان كۆده‌بنه‌وه‌

ئه‌نجومه‌نى وه‌زیران جه‌ژنى "سه‌رسال" له‌ خوشك و برایانى ئێزدى پیرۆز ده‌كات

دوای راگەیاندنی تەواوبوونی رێوشوێنە فەرمیەكان بولگاریا خوازیاری كردنەوەی كونسوڵگەری گشتیە لە هەرێم لە نزیكترین كاتدا

پارێزگاری سلێمانی، سەنتەری دەستنیشانكردنی نەخۆشی ئۆتیزمی كردەوە

بە ئامادەبوونی پارێزگارى سلێمانی ، مەراسیمێك بۆ یادی ئەنفال بەرێوەچوو

بولگاریا بەشداریی لە پرۆژەكانی كشتوكاڵ و سەرچاوەكانی هەرێمی كوردستاندا دەكات