حکومەتی هەرێمی كوردستان
THU, 17 APR 2014 01:01 Erbil, GMT +3

سه‌رۆكی حكومه‌تی هه‌رێمی كوردستان: كورد به‌ په‌رۆشه‌ بۆ سه‌ركه‌وتنی پرۆژه‌ی نیشتمانی عیراقی زیاتر له‌وانه‌ی كه‌ پێیانوایه‌ كورد ترسێكی گه‌وره‌یه‌ له‌سه‌ر عیراق

TUE, 14 FEB 2012 10:01 | PUK Media

د.به‌رهه‌م ئه‌حمه‌د ساڵح سه‌رۆكی حكومه‌تی هه‌رێمی كوردستان ته‌ئكیدیكرده‌وه‌ كورد به‌ په‌رۆشه‌ بۆ سه‌ركه‌وتنی پرۆژه‌ی نیشتمانی عیراقیی زیاتر له‌وانه‌ی كه‌ پێیانوایه‌ كورد ترسێكی گه‌وره‌یه‌ له‌سه‌ر عیراق.

له‌چاوپێكه‌وتنێكی تایبه‌تدا له‌گه‌ڵ كه‌ناڵی (العربیه‌) د.به‌رهه‌م ساڵح وتی: بارودۆخی ئێستای عیراق ترسی بۆ سه‌ر كوردو سه‌رجه‌م عیراقییه‌كان به‌شێوه‌یه‌كی گشتی دروستكردووه‌، پێویسته‌ به‌ده‌نگ ئه‌م قه‌یرانه‌ سیاسییه‌وه‌ بێین و كاربكه‌ین بۆ سه‌ركه‌وتنی كۆنگره‌ی نیشتمانی چاوه‌ڕوانكراو كه‌ به‌سه‌رپه‌رشتی سه‌رۆك تاڵه‌بانی و به‌پشتیوانی سه‌رۆك بارزانی بڕیاره‌ به‌ڕێوه‌بچێت.

له‌به‌شێكی تری ئه‌و چاوپێكه‌وتنه‌دا د.به‌رهه‌م وتیشی: كوردیش وه‌ك گه‌لانی تر مافی دیاریكردنی چاره‌نووسی هه‌یه‌و هه‌ڵبژاردنیشمان روون و ئاشكرایه‌ وای ده‌بینین كه‌ به‌رژه‌وه‌ندی كوردی عیراق له‌ عیراقی دیموكراتی فیدراڵیدا بێت له‌و روانگه‌یه‌وه‌ راسته‌وخۆ له‌پاش روخانی رژێمی روخاو چوینه‌ به‌غداو كارمان كرد بۆ بنیادنانه‌وه‌ی عیراقێكی نوێ و به‌شداربوین له‌گه‌ڵ هاوه‌ڵه‌كانمان بۆ بنیاتنانه‌وه‌ی وڵاتێكی نوێ، به‌ راشكاوی ده‌یڵێم كه‌ كورد كار ناكات بۆ دابه‌شبوونی عیراق و له‌ به‌رژه‌وه‌ندیشمان نیه‌ له‌به‌رئه‌وه‌ له‌ به‌رژه‌وه‌ندیماندایه‌ عیراق سه‌ركه‌وتوو بێت و له‌ به‌رژه‌وه‌ندیماندایه‌ پرۆژه‌ی دیموكراتی و فیدراڵی له‌ عیراق سه‌ركه‌وتوو بێت.

هه‌ر له‌و چاوپێكه‌وتنه‌دا د.به‌رهه‌م ساڵح وتی: جارێكی تر كورد قبوڵ ناكات بگه‌ڕێته‌وه‌ بۆ رابردویه‌كی سه‌ركوتكردن و هه‌ڵه‌بجه‌یه‌كی ترو چه‌وساندنه‌وه‌و په‌راوێز خستنی تر، ئێمه‌ كارده‌كه‌ین له‌عیراق و پشتیوانین بۆ سه‌ركه‌وتنی پرۆژه‌ی عیراقی، به‌ڵام ئه‌گه‌ر هه‌ندێك هه‌بن سوربن له‌سه‌ر دابه‌شكردنی عیراق ئه‌وه‌یان شتێكی تره‌، به‌ڵام ئێمه‌ لای خۆمانه‌وه‌ رۆژانیش ئه‌م راستییه‌یان سه‌لماندووه‌ كه‌ ئێمه‌ زیاتر به‌ په‌رۆشین له‌سه‌ر سه‌ركه‌وتنی عیراق و ساڵانی رابردوش به‌ پراكتیكی ئه‌م راستییه‌ سه‌لمێندراوه‌، وتیشی: ئه‌مڕۆ كورد به‌شێكه‌ له‌ چاره‌سه‌ر ده‌شمانه‌وێت به‌شێكبین له‌م چاره‌سه‌ره‌ به‌هه‌موو توانایه‌كمانه‌وه‌ نه‌ك بۆ كاركردن له‌دابه‌شبونی عیراقدا.


دوایین هەواڵەکان

نێچیرڤان بارزانى و ئه‌ردۆغان په‌یوه‌ندییه‌كانى هه‌ولێر و ئه‌نقه‌ره‌ تاوتوێ ده‌كه‌ن

هه‌ردوو سه‌رۆك وه‌زیران تیشكیان خسته‌ په‌ره‌پێدانى زیاترى په‌یوه‌ندییه‌ ئابوورى و بازرگانییه‌كانى نێوان هه‌رێمى كوردستان و توركیا و داكۆكییان له‌وه‌ كرده‌وه‌ كه‌ ده‌بێ له‌ هه‌ردوو لاوه‌ ته‌واوى ئاسانكارى پێشكه‌ش بكرێت بۆ ئه‌وه‌ى ڕێژه‌ى ئاڵوگۆڕى بازرگانى له‌ نێوان هه‌رێمى كوردستان و عیراق له‌گه‌ڵ توركیادا بگاته‌ ئاستێكى به‌رزتر و فراوانترین بواره‌كان بگرێته‌وه‌.

نێچیرڤان بارزانى پێشوازى له‌ باڵیۆزى ئه‌مه‌ریكا له‌ عیراق كرد

پێشنیوه‌ڕۆى ئه‌مڕۆ چوارشه‌ممه‌ 16ى نیسانى 2014، نێچیرڤان بارزانى سه‌رۆك وه‌زیرانى هه‌رێمى كوردستان پێشوازى له‌ ستیفن بیكرۆفت باڵیۆزى ئه‌مه‌ریكا له‌ عیراق و شاندێكى یاوه‌رى كرد له‌ ژماریه‌ك له‌ به‌رپرسان له‌ باڵیۆزخانه‌ى ئه‌مه‌ریكا له‌ به‌غدا و كونسولخانه‌ى ئه‌مه‌ریكا له‌ هه‌ولێر پێكهاتبوون.

 

نێچیرڤان بارزانى و ئه‌ردۆغان كۆده‌بنه‌وه‌

ئه‌نجومه‌نى وه‌زیران جه‌ژنى "سه‌رسال" له‌ خوشك و برایانى ئێزدى پیرۆز ده‌كات

دوای راگەیاندنی تەواوبوونی رێوشوێنە فەرمیەكان بولگاریا خوازیاری كردنەوەی كونسوڵگەری گشتیە لە هەرێم لە نزیكترین كاتدا

پارێزگاری سلێمانی، سەنتەری دەستنیشانكردنی نەخۆشی ئۆتیزمی كردەوە

بە ئامادەبوونی پارێزگارى سلێمانی ، مەراسیمێك بۆ یادی ئەنفال بەرێوەچوو

بولگاریا بەشداریی لە پرۆژەكانی كشتوكاڵ و سەرچاوەكانی هەرێمی كوردستاندا دەكات

وه‌زیری په‌روه‌رده‌ پێشوزای له‌ شاندێكی سكرتاریه‌تی یه‌كێتی مامۆستایان كرد

بەرپرسی سیاسەتی بازرگانی دەروەوەی بوڵگاریا سەردانی وەزارەتی دارایی كرد