حکومەتی هەرێمی كوردستان
SAT, 19 APR 2014 09:52 Erbil, GMT +3

د.بەرهەم ساڵح سەردانی قەزای چۆمانی كردو هاوخەمی سەرۆكی هەرێم و خۆی بەخەڵكی ناوچەكە گەیاند

MON, 6 FEB 2012 19:42 | KRG.org

ئەمڕۆ 6/2/2012 بەرێز د. بەرهەم ساڵح لە قەزای چۆمان بەشداری پرسەی رێباز رەحیم كردو هاوخەمی سەرۆكی هەرێمی كوردستان و خۆی پێشكەش بەبنەماڵەی جوانەمەرگ و خەڵكی ناوچەكە كرد و دوپاتیشی كردەوە كەدەبێ ئەنجامدەرانی ئەم تاوانە بەسزایی قانوونی خۆیان بگەن.

سەرەتا لە دەروازەی شار لەلایەن ژمارەیەكی بەرچاو لەخەڵكی باڵەكایەتی و لێپرسراوانی ئیداریەوە پێشوازیەكی گەرم لە د. بەرهەم ساڵح و وەفدی هاوڕێی كرا و دواتر بەشداری لە پرسەی رێباز رەحیمی جوانەمەرگی كرد كەچەند رۆژێك بەرلەئێستا بەناحەق كوژراو لەئەنجامیشدا ناڕەزایی خەڵكی ناوچەكەی لێكەوتەوە .

بەڕێز د. بەرهەم ساڵح لەمیانەی بەشداریكردنی لەم پرسەیەدا، هاوخەمی سەرۆكی هەرێمی كوردستان و خۆی بەتەواوی خەڵكی باڵەكاتی راگەیاندو دووپاتی كردەوە كە پشتیوانی لەداوا ڕەواكانی ئەوان دەكەن لەجێبەجێكردنی قانوون و بەسزاگەیاندنی تاوانباران، هەروا راشیگەیاند كەمەرگی رێبازی جوانەمەرگ هەموومانی هەژاندو كاریش بۆ ئەوە دەكەین كەدەستوبرد بكرێت لەگرتنەبەری رێوشوێنی قانوونی و سزادانی تاوانباران، هەروا راشیگەیاند كەبەپێی رێوشوێنی قانوونی پێداچوونەوە بۆ ئەو كەیسانەش دەكرێت كەئێوە تێبینیتان لەسەری هەیە.

هەر لەم سەردانەدا كەبەڕێزان ئیسماعیل مەحمود ئەندامی پەرلەمانی كوردستان و نەوزاد هادی پارێزگاری هەولێر یاوەری بوون، بەڕێز د. بەرهەم ساڵح باسی لەپێگەی ناوچەی باڵەكایەتی كرد لەشۆڕش و رۆژانی خەبات و تێكۆشانداو رۆڵی ئەم ناوچەیەی بەگرنگ وەسفكرد كە چەندەها رۆڵەی قارەمانی وەكو شەهید و تێكۆشە پێشكەش بەكوردستان كردووە.

سەبارەت بەداواكاری خەڵكەكەش بەڕێز د. بەرهەم ساڵح رونیكردەوە ئێمە هەموو پشتیوانیەك لەداواكاری ئێوە دەكەین كەلەرێگەی ئەنجومەنی ناوچەكەتانەوە پێشكەش كراوە لەجێبەجێكردنی قانوون و بواری خزمەتگوزاریەوە، لەمباریەوە وتی: ئێوە شایستەی هەموو خزمەت و ئاوڕلێدانەوەیەكن، ئەوەی تائێستا بۆ ئێرە كراوە جێی رەزامەندی ئێمەو ئێوەش نییە، بەڵام بەرنامەمان ئەوەیە كەبایەخی زیاتر بەم ناوچە شۆڕشگێر بدەین كەقوربانیەكانی لەژماردن نایەت، لەم چوارچێوەیەدا داوای كرد كەلیژنەیەكی پەرلەمانی سەردانیان بكات.

هەر لەمیانەی وتەكانیدا د. بەرهەم ساڵح باسی لەو خۆپیشاندانە هێمنانەیە كرد كەخەڵكی ناوچەكە بەهۆی كوژرانی رێبازی جوانەمەرگ بۆ چەندرۆژێك ئەنجامیانداو رێگەیان نەدا هیچ كارێكی توندوتیژی تێبكەوێت ، كەبوە نیشانەی یەكدەستی و ئاشتەوایی خەڵكەكەی و داوای لێكردن كەبەهەمان گیانی لێپسراوێتیەوە پارێزگاری لەناو و ناوبانگی خۆیان بكەن.

هەر لەم سەردانەدا مەلا نیاز چۆمانی بەناوی بنەماڵەی ریباز رحیم و خەڵكی ناوچەكە.سوپاسی ئەم سەردان و بەدەنگەوەهاتنەی د. بەرهەم ساڵح-ی كرد و پشتیوانی لە داواو داخوازیەكانی خەلكی ئەو سنورە سەبارەت بە كەیسی رێباز رەحیم بەرز نرخاند و ستایشی هاوخەمی سەرۆكی هەرێم و د.بەرهەم ساڵح-یان كرد، هەروا ئاماژەی بەوەشدا كەخەڵكی ناوچەكە بەدڵخۆشیەوە پێشوازی لەم بەدەنگەوە هاتنەی د. بەرهەم دەكەن.

لە بەشێكی دیكەی سەردانەكەیدا بۆ قەزای چۆمان، بەڕێز د. بەرهەم لەقایمقامیەتی شارەكە لەگەڵ ژماریەكی زۆر لەخەڵكی ناوچەكەو ئەنجومەنی باڵەكایەتی كۆبووەو تەئكیدی كردەوە كەئەنجامدەرانی ئەم تاوانە بەسزای قانوونی خۆیان دەگەن.


دوایین هەواڵەکان

سلێمانی، بینای بەرەنگاری توندوتیژی دژی ژنان كرایەوە

لە مەراسیمێكدا بینای بەرێوەبەرایەتی بەرنگاربوونەوەی توندوتیژی دژی ژنان لە سلێمانی كرایەوەو هاوكات یەكەمین كۆبوونەوەی ئەنجومەنی باڵای بەرەنگاربوونەوەی توندوتیژی دژی ژنان لە سلێمانی  بە سەرپەرەشتی پارێزگاری سلێمانی بەرێوەچوو.

 

نێچیرڤان بارزانى و ئه‌ردۆغان په‌یوه‌ندییه‌كانى هه‌ولێر و ئه‌نقه‌ره‌ تاوتوێ ده‌كه‌ن

هه‌ردوو سه‌رۆك وه‌زیران تیشكیان خسته‌ په‌ره‌پێدانى زیاترى په‌یوه‌ندییه‌ ئابوورى و بازرگانییه‌كانى نێوان هه‌رێمى كوردستان و توركیا و داكۆكییان له‌وه‌ كرده‌وه‌ كه‌ ده‌بێ له‌ هه‌ردوو لاوه‌ ته‌واوى ئاسانكارى پێشكه‌ش بكرێت بۆ ئه‌وه‌ى ڕێژه‌ى ئاڵوگۆڕى بازرگانى له‌ نێوان هه‌رێمى كوردستان و عیراق له‌گه‌ڵ توركیادا بگاته‌ ئاستێكى به‌رزتر و فراوانترین بواره‌كان بگرێته‌وه‌.

نێچیرڤان بارزانى پێشوازى له‌ باڵیۆزى ئه‌مه‌ریكا له‌ عیراق كرد

نێچیرڤان بارزانى و ئه‌ردۆغان كۆده‌بنه‌وه‌

ئه‌نجومه‌نى وه‌زیران جه‌ژنى "سه‌رسال" له‌ خوشك و برایانى ئێزدى پیرۆز ده‌كات

دوای راگەیاندنی تەواوبوونی رێوشوێنە فەرمیەكان بولگاریا خوازیاری كردنەوەی كونسوڵگەری گشتیە لە هەرێم لە نزیكترین كاتدا

پارێزگاری سلێمانی، سەنتەری دەستنیشانكردنی نەخۆشی ئۆتیزمی كردەوە

بە ئامادەبوونی پارێزگارى سلێمانی ، مەراسیمێك بۆ یادی ئەنفال بەرێوەچوو

بولگاریا بەشداریی لە پرۆژەكانی كشتوكاڵ و سەرچاوەكانی هەرێمی كوردستاندا دەكات

وه‌زیری په‌روه‌رده‌ پێشوزای له‌ شاندێكی سكرتاریه‌تی یه‌كێتی مامۆستایان كرد